సమాజ హితాన్ని కోరేది కవులు: పెద్దపల్లి జిల్లా అదనపు కలెక్టర్ జి. శ్యాంప్రసాద్ లాల్
సమైక్య సాహితీ- లయన్స్ జిల్లా 320 కరీంనగర్ వారి ఆధ్వర్యంలో క్రోధి నామ సంవత్సర ఉగాది కవి సమ్మేళనం శ్రీనిధి చిట్ ఫండ్ హాల్ లో సోమవారం జరిగింది. ఈ కార్యక్రమానికి పెద్దపల్లి జిల్లా అదనపు కలెక్టర్ జి. శ్యాంప్రసాద్ లాల్ ముఖ్య అతిధిగా పాల్గొని, కరీంనగరుకు చెందిన సముద్రాల వంశీ మోహనాచార్యులు రచించిన దృక్ సిద్ధాంత పంచాంగంను ఆవిష్కరించారు.
అదనపు కలెక్టరు శ్యాంప్రసాద్ లాల్ మాట్లాడుతూ… సమాజహితం కోసం పాటుపడే సాహిత్యంను ఈ వేదికగా వినిపించడం హర్షించదగ్గ విషయమన్నారు. ప్రకృతి ప్రకోపించినా శాంతి మంత్రం విన్పించేది కవులేనన్నారు. సమాజంలో వున్న రుగ్మతలు తొలగించడానికి కవులు ఒకవైపు, లయనిజం మరోవైపు కృషి చేయడం జరుగుతుందన్నారు.. కవి వాక్కులెప్పుడూ నిజమవుతాయని అన్నారు.
ఈ కార్యక్రమానికి సమైక్య సాహితీ అధ్యక్షుడు మాడిశెట్టి గోపాల్, విశిష్ట అతిధిగా హనుమాండ్ల రాజరెడ్డి, ఉప గవర్నర్ కోదండరాం, లయన్ కెప్టెన్ మధుసూధన్ రెడ్డి, కార్యదర్శి కె. ఎస్. అనంతాచార్య, ఎస్.ఆర్.ఆర్. కళాశాల ప్రిన్సిపాల్ డా|| కలువకుంట రాధాకృష్ణ తదితరులు ప్రసంగించారు. కాండూరి వేంకటేశ్వర్లు పంచాంగ శ్రవణం చేశారు. కవులకు భక్ష్యాలు, ఉగాది పచ్చడి వితరణ చేశారు. కవులందరికీ ప్రశంసా పత్రం అందజేసి, శాలువాతో సత్కరించారు.
ఈ కార్యక్రమంలో లయన్ సింగమరాజు, లయన్ రమణారెడ్డి, కవులు బొద్దుల లక్ష్మయ్య, సముద్రాల వేణుగోపాల చార్యులు, విఠలశర్మ, అనిత, హరిప్రియ, శ్రీనివాస్, కిషన్, డా.సుజాత మరియు దాదాపు 100 ముంది కవులు పాల్గొన్నారు.
Sircilla Srinivas is a Senior Journalist with 35+ years of experience in Professional Journalism from United Karimnagar and Jagityal Dist, Telangana. Awardee of TS Govt Haritha Haram 2017 State cash Award. Participating in social activities such as Assistant Governor of Rotary Club Dist.3150, Dist committee member of Indian Red Cross society.
