అంజన్న భక్తుల కోసం షెడ్డు నిర్మాణానికి ముందుకు వచ్చిన ఆసంపల్లి లక్ష్మి ఫౌండేషన్

కొండగట్టులో ఆంజనేయ స్వామి దర్శనానికి వచ్చే భక్తుల సౌకర్యార్థం తమ ఫౌండేషన్ ద్వారా ఒక షెడ్డు నిర్మించి ఇస్తామని ఆసంపల్లి లక్ష్మి ఫౌండేషన్ చైర్మన్ ఆసంపల్లి శ్రీనివాస్ స్పష్టం చేశారు. గురువారం ఆయన కొండగట్టు అంజన్నను దర్శించుకున్నారు. అరకొర సౌకర్యాలతో ఇబ్బందులు పడుతున్న భక్తులను దృష్టిలో ఉంచుకొని తన సొంత ఖర్చుతో తన తల్లి పేరుతో ఉన్న ఆసంపల్లి లక్ష్మీ ఫౌండేషన్ ద్వారా షెడ్డు నిర్మాణానికి అనుమతి ఇవ్వాల్సిందిగా ఆలయం ఎగ్జిక్యూటివ్ ఆఫీసర్ కు వినతిపత్రం సమర్పించారు .ఈ సందర్భంగా ఆయన మీడియాతో మాట్లాడుతూ గత ప్రభుత్వం కొండగట్టు దేవస్థానం అభివృద్ధికి వందల కోట్లు ఇస్తామని చెప్పి ఇవ్వకుండా నిర్లక్ష్యం చేసిందని ఆవేదన వ్యక్తం చేశారు .రాష్ట్రంలో కాంగ్రెస్ ప్రభుత్వం ప్రజా పాలన కొనసాగిస్తుందని , కొండగట్టు దేవస్థానం అభివృద్ధికి నిధులు మంజూరు చేసి భక్తుల కష్టాలు తీర్చాలని సీఎం రేవంత్ రెడ్డిని మంత్రి శ్రీధర్ బాబును ఆయన కోరారు . ఆసంపల్లి లక్ష్మీ ఫౌండేషన్ ద్వారా కరీంనగర్ ఉమ్మడి జిల్లాలో పలు స్వచ్ఛంద సేవా కార్యక్రమాలు చేపడుతున్నామని ఆసంపల్లి శ్రీనివాస్ తెలిపారు .

Sircilla Srinivas

Sircilla Srinivas is a Senior Journalist with 35+ years of experience in Professional Journalism from United Karimnagar and Jagityal Dist, Telangana. Awardee of TS Govt Haritha Haram 2017 State cash Award. Participating in social activities such as Assistant Governor of Rotary Club Dist.3150, Dist committee member of Indian Red Cross society.