జగిత్యాల.

గ్రామ పంచాయతీ ఎన్నికల షెడ్యూల్ విడుదల

స్థానిక ఎన్నికల నిర్వహణకు పకడ్బందీగా ఏర్పాటు చేయాలని నోడల్ ఆఫీసర్ లు ,ఆర్డీవోలు మరియు ఎంపిడివో లతో జిల్లా కలెక్టర్ బి. సత్య ప్రసాద్, జిల్లా అదనపు కలెక్టర్ (స్థానిక సంస్థలు) బి.రాజ గౌడ్ వీడియో కాన్ఫరెన్స్ నిర్వహించారు.

రాష్ట్ర ఎన్నికల సంఘం ఎన్నికల షెడ్యూల్ ను విడుదల చేసిందని, షెడ్యూల్ ప్రకారం జిల్లాలో మూడు విడతలుగా ఎన్నికలు జరుగుతాయని అందుకు సంబందించిన ఏర్పాట్లు చేయాలని అధికారులను ఆదేశించారు .

జిల్లాలో మొదటి విడత స్థానిక ఎన్నికలు 7 మండలాల్లో మేడి పెల్లి,భీమారం, కథలాపూర్, కోరుట్ల, మెట్ పెల్లి, మల్లాపూర్ మరియు ఇబ్రహీంపట్నం లలో నిర్వహించడం జరుగుతుందని తెలిపారు.

జిల్లాలో రెండవ విడత స్థానిక ఎన్నికలు 7 మండలాల్లో రాయికల్,బీర్ పూర్, జగిత్యాల, జగిత్యాల రూరల్, సారంగాపూర్ ,మల్యాల,మరియు కొడిమ్యాలలో నిర్వహించడం జరుగుతుందని తెలిపారు.

జిల్లాలో మూడవ విడత స్థానిక ఎన్నికలు 6 మండలాల్లో ధర్మపురి, బుగ్గారం , గొల్లపల్లి , వెల్గటూర్, ఎండపెల్లి మరియు పెగడపెల్లి లలో నిర్వహించడం జరుగుతుందని తెలిపారు.

ఎన్నికలకు సంబంధించి మాడల్ కోడ్ అఫ్ కండక్ట్ వెంటనే అమలులోకి వస్తుందని, ఎన్నికల నియమావళి ని సక్రమంగా అమలు చేయాలని తెలిపారు.

ఎన్నికలకు సంబంధించి ఎన్నికల సామగ్రి, బ్యాలెట్ పత్రాలు, పోలింగ్ కేంద్రాల వద్ద సౌకర్యాలు ఫ్లెక్సీ లు, మరియు స్టేషనరీ సంబంధించినవి బుధవారం మరొకసారి సరి చూసుకోవాలని, పోలింగ్ కేంద్రాలను సందర్శించాలని తెలిపారు.

నామినేషన్ కేంద్రాల వద్ద ఎలాంటి అవాంఛనీయ సంఘటనలు జరుగకుండా పోలీసు బందోబస్త్ ఏర్పాటు చేయాలని తెలిపారు.

బుధవారం స్టేజ్ -1 రిటర్నింగ్ అధికారులకు మరొకమారు శిక్షణ ఇవ్వాలని , రాజకీయ పార్టీలతో సమావేశం ఏర్పాటు చేయాలని తెలిపారు.

ఆర్డీవోలు మొదటి విడతలో నిర్వహించే 7 మండలాల్లో పోలింగ్ కేంద్రాల్లో సౌకర్యాలను, ఎన్నికలకు సంబందించిన సామగ్రి నిర్వహణను బుధవారం పరిశీలించాలని తెలిపారు.
ఎన్నికలకు సంబందించిన రిపోర్ట్ లు వెంటవెంటనే పంపించాలని ఎంపిడివోలను ఆదేశించారు.

జగిత్యాల జిల్లాలో ప్రశాంతంగా ఎన్నికల నిర్వహించేందుకు పటిష్ట చర్యలు చేపట్టాలని ఆర్డీవోలను మరియు ఎంపీడీవోలను కోరారు.

జగిత్యాల జిల్లాలో ఎన్నికలను ప్రశాంతమైన వాతావరణంలో నిర్వహించేందుకు ప్రజలు, రాజకీయ పార్టీలు, ప్రజాప్రతినిధులు మరియు పాత్రికేయులు సహకరించాలని జిల్లా కలెక్టర్ బి. సత్యప్రసాద్ కోరారు.

ఈ వీడియో కాన్ఫరెన్స్ లో నోడల్ ఆఫీసర్ లు, ఆర్డీవోలు మరియు ఎంపిడివోలు పాల్గొన్నారు.

Sircilla Srinivas

Sircilla Srinivas is a Senior Journalist with 35+ years of experience in Professional Journalism from United Karimnagar and Jagityal Dist, Telangana. Awardee of TS Govt Haritha Haram 2017 State cash Award. Participating in social activities such as Assistant Governor of Rotary Club Dist.3150, Dist committee member of Indian Red Cross society.