ఐదు కుటుంబాలకు కుల బహిష్కరణ
తెలంగాణ రిపోర్టర్ జాతీయ దినపత్రిక…..కామారెడ్డి జిల్లా ప్రతినిధి.:

కులాంతర వివాహం చేసుకున్నందుకు ఐదు కుటుంబాలను గత మూడేళ్లుగా కుల బహిష్కరణ చేసిన సంఘటన ఆలస్యంగా వెలుగులోకి వచ్చింది. ఈ సంఘటన మాచారెడ్డి మండల కేంద్రంలో చోటు చేసుకుంది. మాచారెడ్డి మండల కేంద్రంలోని బంగ్ల రాజేందర్ కూతురు 26 నవంబరు 2021 న కులాంతర వివాహం చేసుకుందని అమ్మాయికి చెందిన ఐదు కుటుంబాలని మాచారెడ్డి గౌడ కులసంఘ పెద్దలు బహిష్కరించారు. ఎస్సీ కులానికి చెందిన అబ్బాయిని ప్రేమించి పెళ్లి చేసుకున్నందుకు గాని తమ ఐదు కుటుంబాలను బహిష్కరించారని బాధితులు ఆవేదన వ్యక్తం చేశారు. ఆ ఐదు కుటుంబాలతో ఎవరు మాట్లాడినా, వారిని మంచికి చేడుకు పిలిచినా ఆ కుటుంబానికి 50 వేల జరిమానా విధిస్తామని కులసంఘ పెద్దలు తీర్మానం చేసినట్టు తెలిపారు. 2021 నుండి ఇప్పటి వరకు సంఘంలో మంచి చెడులకు తమ కుటుంబ సభ్యులకు పిలవడం లేదని తమ కుటుంబ సభ్యులు మానసికంగా ఆవేదనకు గురవుతున్నామని తెలిపారు. ఈ విషయంకు సంబంధించి గత రెండు సార్లు ప్రజావాణిలో ఫిర్యాదు చేసిన ఎలాంటి పరిష్కారం జరగలేదని బాధితులు తెలిపారు. తిరిగి ఈ నెల 23 న మరో మారు జిల్లా కలెక్టర్ కార్యాలయంలో ప్రజా వాణిలో పిర్యాదు చేసినట్టు తెలిపారు. మాచారెడ్డి గౌడ సంఘం ఆస్తుల్లో తమ భాగస్వామ్యం తమకు ఇచ్చి సంఘంలో కలుపుకోవాలని బాధితులు కోరుతున్నారు.

Sircilla Srinivas

Sircilla Srinivas is a Senior Journalist with 35+ years of experience in Professional Journalism from United Karimnagar and Jagityal Dist, Telangana. Awardee of TS Govt Haritha Haram 2017 State cash Award. Participating in social activities such as Assistant Governor of Rotary Club Dist.3150, Dist committee member of Indian Red Cross society.