రాష్ట్ర ఐటి, సాంకేతిక, శాసనసభ వ్యవహారాల శాఖామాత్యులు దుద్దిళ్ల శ్రీధర్ బాబుచే జాతీయ దినపత్రిక తెలంగాణ రిపోర్టర్ పంచాంగం ఆవిష్కరణ
ఉగాది పండుగ శుభాకాంక్షలతో. …మంత్రి శ్రీధర్ బాబు
హిందుపురాణాల ప్రకారం మనకు 60 తెలుగు సంవత్సరాలు ఉన్నాయి. అవి ప్రతి ఏడాది చైత్రమాసం శుద్ధపాడ్యమి నుంచి ప్రారంభమౌతుంది. అందుకే ఆరోజు నుంచి కొత్త ఉగాది వేడుకలను నిర్వహించుకుంటాం. ఈసారి తెలుగు సంవత్సరానికి విశ్వావసు అని పేరు.
ఈ నేపథ్యంలో…రాష్ట్ర ఐటి, సాంకేతిక మరియు శాసనసభ వ్యవహారాల శాఖామాత్యులు దుద్దిళ్ల శ్రీధర్ బాబు మంథని నియోజకవర్గం కేంద్రంలో జాతీయ దినపత్రిక తెలంగాణ రిపోర్టర్ ఎడిటర్ సిరిసిల్ల శ్రీనివాస్ చే ముద్రణ గావించిన,బ్రహ్మశ్రీ గాడిచెర్ల నారాయణ సిధ్దాంతి మనుమడైన బ్రహ్మశ్రీ నాగేశ్వరరావు సిధ్దాంతి చే గుణించబడిన విశ్వావసు నామ సంవత్సర పంచాంగమును శనివారం మంథని ఆర్డీఓ సురేష్, న్యాయవాది శశిభూషణ్ కాచె ఆధ్వర్యంలో ఆవిష్కరణ గావించారు.
ఈ సందర్భంగా మంత్రి శ్రీధర్ బాబు మాట్లాడుతూ…మనిషి జీవనవిధానానికి దిశా నిర్దేశం చూపేదే పంచాంగం అన్నారు. తిథి, వార, నక్షత్రము, యోగం, కరణంలతో కూడిన పంచాంగం మనలో ఉండే మేధాసంపత్తిని ప్రజ్వలింపజేస్తాయన్నారు.
తెలుగు పంచాంగంలో వీటి ఆధారంగానే భవిష్యత్తులో జరగబోయే విషయాలను ఊహించి చెబుతారనీ… ఇందులో తిథి ఆదాయాన్ని, వారం ఆయువును, నక్షత్రం పాపప్రక్షాళనను, యోగం వ్యాధి నివారణలను, కరణం పవిత్ర గంగానదిలో చేసినంత పుణ్యఫలాన్ని అందిస్తుందని చాలా మంది విశ్వసిస్తారన్నారు. ఈ విశ్వావసు నామ సంవత్సర ఉగాది పండుగ ప్రతి ఒక్కరిలో ఆనందాన్ని అందించాలనీ…రాష్ట్ర ప్రజలు సుఖ శాంతులతో ఉండాలని మంత్రి శ్రీధర్ బాబు ఆకాంక్ష వ్యక్తం చేశారు.
కాగా, విశ్వావసు నామ సంవత్సర తెలుగు పంచాంగమును ఆవిష్కరించిన రాష్ట్ర మంత్రి దుద్దిళ్ల శ్రీధర్ బాబు కు తెలంగాణ రిపోర్టర్ ఎడిటర్ సిరిసిల్ల శ్రీనివాస్ కృతజ్ఞతలు తెలుపుతూ, ఉగాది శుభాకాంక్షలు అందజేశారు.
అలాగే ఈ ఆవిష్కరణకు సహకరించిన మిత్రులు, న్యాయవాది శశిభూషణ్ కాచె కు మరియు మంథని ఆర్డీఓకు మాజీ జడ్పీటీసీ సదానందం, పార్టీనాయకులు అజీంఖాన్, మాజీ కౌన్సిలర్ శ్రీనివాస్, తోటి మంథని పాత్రికేయులకు , పాల్గొన్నవారికి సిరిసిల్ల శ్రీనివాస్ ధన్యవాదాలు తెలిపారు.
మనిషి జీవితంలో.. కొన్నిసార్లు బాధలు, ఆనందాలు తదితర భావోద్వేగాలతో కలిసి ఉంటుందన్నారు. అలానే.. ఉగాది పచ్చడిలో కూడా.. చేదు,కారం, తీపి, వగరు గుణాలు ఉంటాయనీ..మనం జీవితంలో ఆనందాలు వచ్చినా, బాధలు వచ్చినా అన్నింటిని సమానంగా చూసుకుంటూ ముందుకు వెళ్లాలని పెద్దలు చెబుతుంటారన్నారు..
ముఖ్యంగా తెలుగు సంవత్సరాలు మనకు 60 ఉన్నాయనీ… ఇవి ప్రతి ఏడాది మారుతు ఉంటాయి. దీనివెనుక కొన్ని పురాణా గాథలు కూడా ప్రాచుర్యంలో ఉన్నాయి. విష్ణుమాయ కారణంగా.. నారదుడికి 60 మంది సంతానం జన్మించారంట. ఈ 60 మంది ఎప్పటికి గుర్తుండిపోయేలా వరమియ్యమని నారదుడి, విష్ణుభగవానుడిని వేడుకున్నాడ. దీంతో ఆయన వీరి పేర్లు.. శాశ్వతంగా నిలిచిపోతుందని వరం ఇచ్చారంట. మనం ప్రతిఏడాది మారుతున్న ఈ తెలుగు సంవత్సరాల పేర్లు, నారదుడి కుమారుల పేర్లు అన్నమాట.
తెలుగు సంవత్సరాలు ప్రతి 60 ఏళ్లకోసారి రిపీట్ అవుతుంటాయి. ప్రస్తుతం విశ్వావసు సంవత్సరం వెనుక ఉన్న అర్ధం ప్రధానంగా విశ్వాసం. దేవతలకు అత్యంతవిశ్వాసంగా ఉండే ఒక గంధర్వుడి పేరు, ఒక సంగీత విద్వాన్సుడు.
ఈ సంవత్సరంలో ఒకరిపట్ల ఒకరు విశ్వాసంగా ఉంటారని, మంచి ఆలోచనలతో అభివృద్ధి వైపు పయనిస్తారాని పెద్దలు చెబుతున్నారు.
Sircilla Srinivas is a Senior Journalist with 35+ years of experience in Professional Journalism from United Karimnagar and Jagityal Dist, Telangana. Awardee of TS Govt Haritha Haram 2017 State cash Award. Participating in social activities such as Assistant Governor of Rotary Club Dist.3150, Dist committee member of Indian Red Cross society.
