జగిత్యాల జిల్లా :
జిల్లాలో గత నెల రోజులుగా జిల్లా పరిషత్ లో ఉపాధ్యాయులకు సంబంధించిన జిపిఎఫ్ పార్ట్ ఫైనల్ మరియు లోన్లు ఫైనల్ సెటిల్మెంట్స్ తదితర దరఖాస్తులను స్వీకరించడం లేదని వెంటనే సంబంధిత అధికారులు ఉపాధ్యాయుల దరఖాస్తులు తీసుకొని నిధులు మంజూరు చేయాలని తెలంగాణ ప్రాంత ఉపాధ్యాయ సంఘం (తపస్) జగిత్యాల జిల్లా అధ్యక్ష ప్రధాన కార్యదర్శులు బోనగిరి దేవయ్య బోయినపల్లి ప్రసాదరావు కోరారు.
ఈ మేరకు మంగళవారం మధ్యాహ్నం 3-30 గంటల ప్రాంతంలో జగిత్యాల జిల్లా స్థానిక సంస్థల అదనపు కలెక్టర్ రాజా గౌడ్ కు కలెక్టరేట్లోని ఆయన ఛాంబర్ లో కలిసి, వినతి పత్రం సమర్పించారు.
ఈ సందర్భంగా వారు మాట్లాడుతూ…గత నెల రోజులుగా రాష్ట్రంలో ఎక్కడలేని విధంగా జగిత్యాల జిల్లాలో దరఖాస్తులు తీసుకోవడం లేదని వారు పేర్కొన్నారు.
ఫలితంగా జిల్లాలోని ఉపాధ్యాయులు తాము దాచుకున్న జిపిఎఫ్ డబ్బులు విత్ డ్రా చేసుకోలేని పరిస్థితుల్లో ఉన్నారన్నారు వెంటనే ఈ సమస్యను పరిష్కరించాలని వారు విజ్ఞప్తి చేశారు..
Sircilla Srinivas is a Senior Journalist with 35+ years of experience in Professional Journalism from United Karimnagar and Jagityal Dist, Telangana. Awardee of TS Govt Haritha Haram 2017 State cash Award. Participating in social activities such as Assistant Governor of Rotary Club Dist.3150, Dist committee member of Indian Red Cross society.
